სექსოლოგიური კლინიკა „ლიგის“ ფილოსოფია

სექსოლოგიური კლინიკა „ლიგა“ არის ადგილი, სადაც დელიკატურ პრობლემებზე მშვიდად, პროფესიონალურად და სირცხვილის გარეშე საუბრობენ.

ჩვენ გვესმის, რომ მამაკაცისთვის სექსუალური ფუნქცია მხოლოდ ფიზიოლოგია არ არის.

ეს არის თავდაჯერებულობა.

თვითშეფასება.

ურთიერთობები.

ცხოვრების ხარისხი.

ამიტომ ჩვენ მხოლოდ სიმპტომის აღმოფხვრით არ შემოვიფარგლებით: ვეძებთ მიზეზს, ვაფასებთ ორგანიზმს, როგორც ერთიან სისტემას და მხოლოდ ამის შემდეგ ვარჩევთ მკურნალობის მეთოდს.

სექსოლოგიური კლინიკა „ლიგა“.

სრულყოფილებას საზღვარი არ აქვს.

ერექციის ხარისხის დაქვეითების ან ნაადრევი ეაკულაციის დროს ბევრი მამაკაცი ექიმთან ვიზიტს აჭიანურებს.

თავდაპირველად იმედოვნებენ, რომ ყველაფერი თავისთავად გაივლის.

შემდეგ ინტერნეტში იწყებენ რჩევების ძებნას.

შემდეგ კი ექიმთან კონსულტაციის გარეშე ცდილობენ მედიკამენტების მიღებას.

და მხოლოდ მაშინ მიმართავენ სპეციალისტს, როდესაც პრობლემა უკვე გავლენას ახდენს ურთიერთობებსა და თვითშეფასებაზე.

სტატისტიკის მიხედვით, პირველი სიმპტომების გამოვლენიდან სექსოლოგთან მიმართვამდე, საშუალოდ, 6 თვიდან 3 წლამდე პერიოდი გადის.

სექსოლოგიაში დროს დიდი მნიშვნელობა აქვს: რაც უფრო ადრე გავიგებთ დარღვევის მიზეზს, მით მეტი შესაძლებლობა გვაქვს ზუსტი კორექციისთვის.

რაც უფრო ადრე გავიგებთ დარღვევის მიზეზს, მით მეტი შესაძლებლობა გვაქვს ეფექტური კორექციისთვის.

არ ღირს ლოდინი, სანამ დელიკატური პრობლემა ცხოვრების სერიოზულ პრობლემად გადაიქცევა.

სექსოლოგიური კლინიკა „ლიგა“.

პროფესიონალურად.

კონფიდენციალურად.

არსებითად.

1982 წელს ჩემმა სამეცნიერო ხელმძღვანელმა ასპირანტურაში, საქართველოში ანგიოლოგიური სკოლის დამფუძნებელმა, პროფესორმა ნოდარ ბოხუამ, ჩემი დისერტაციის თემის სახელწოდება განსაზღვრა: „არტერიული იმპოტენციის ჰემოდინამიკა“.

მაშინ, როდესაც პაციენტებთან მუშაობა დავიწყე, მივხვდი, რომ სექსოლოგია მედიცინის ის სფეროა, სადაც მხოლოდ სასქესო ორგანოების მკურნალობა შეუძლებელია.

აქ ყოველთვის არის ადამიანი.

მისი სომატური ჯანმრთელობა.

მისი შიშები.

მისი ურთიერთობები.

მისი თვითშეფასება.

სწორედ ამიტომ ეს პროფესია მოითხოვს არა მხოლოდ ინტერდისციპლინურ ცოდნას, არამედ დიდ ადამიანურ გამოცდილებასაც.

გამოცდილება მხოლოდ მრავალწლიანი პრაქტიკის შედეგად მოდის.

მას შემდეგ ჩემს პრაქტიკაში 12 000-ზე მეტმა პაციენტმა გაიარა.

თითოეული პაციენტი მხოლოდ სამედიცინო ისტორია არ არის — ეს არის ადამიანის ბედი, ნდობა და იმედი.

გამოცდილებას ვერაფერი შეცვლის.

მედიცინაში მნიშვნელოვანია არა მხოლოდ გამოკვლევების დანიშვნა, არამედ პაციენტის მოსმენაც — განსაკუთრებით სექსოლოგიაში.

ბევრი მამაკაცი ექიმთან მაშინვე არ მოდის: დუმს, ერიდება, ეშინია შეფასების და ზოგჯერ თავადაც ვერ ახერხებს ზუსტად ახსნას, რა ხდება მის თავს.

ექიმის ამოცანაა, არ იჩქაროს და არ მოახდინოს ზეწოლა, არამედ გაიგოს პაციენტის პრობლემა.

სექსოლოგიურ კლინიკა „ლიგაში“ პაციენტი იღებს არა ფორმალურ ვიზიტს, არამედ ყურადღებიან და პროფესიონალურ დამოკიდებულებას.

რადგან სწორი მკურნალობა სწორი საუბრით იწყება.

ერექტოლოგია, როგორც კლინიკა „ლიგის“ მუშაობის ძირითადი მიმართულება.

კლინიკური სექსოლოგია შეისწავლის სექსუალური ურთიერთობების სამედიცინო, ფსიქოლოგიურ, კულტურულ, მორალურ, სოციოლოგიურ და ქცევით ასპექტებს.

თუმცა, ქრისტიანულ და ისლამურ გარემოში 44-წლიანი პრაქტიკის განმავლობაში დავრწმუნდი, რომ პაციენტების 97%-ს ძირითადად სწორედ ერექციის დარღვევებთან დაკავშირებული ჩივილები ჰქონდა, ხშირად — ნაადრევი ეაკულაციის ფონზე.

ერექცია სისხლძარღვების, ნერვული სისტემის, ჰორმონების, ნივთიერებათა ცვლისა და ფსიქიკის მუშაობის მაჩვენებელია.

ერექციის შესწავლისას ჩვენ, ფაქტობრივად, მამაკაცის ჯანმრთელობას მთლიანობაში ვიკვლევთ.

ამიტომ ჩვენმა კლინიკამ პრიორიტეტულ მიმართულებად ერექციული ფუნქციის კვლევა განსაზღვრა და ეს მიმართულება კლინიკური სექსოლოგიის ფარგლებში ტერმინით „ერექტოლოგია“ ჩამოაყალიბა.

ჩვენ ვეძებთ მიზეზს და მხოლოდ ამის შემდეგ აღმოვფხვრით სიმპტომსერექციული დისფუნქცია სიმპტომია და არა კლინიკური დიაგნოზი.

ერექციული დისფუნქცია ყოველთვის არ არის უშუალოდ სასქესო ორგანოში წარმოშობილი პრობლემის შედეგი.

ზოგჯერ ის უფრო ღრმა პრობლემის პირველი სიგნალია.

ეს შეიძლება იყოს პრედიაბეტი, არტერიული ჰიპერტენზია, გულ-სისხლძარღვთა უკმარისობა, გაფანტული სკლეროზი, ნევროზი, ნარკოტიკული საშუალებების ზემოქმედება, წყვილის ურთიერთობაში არსებული დისჰარმონია და მრავალი სხვა.

ამიტომ საკმარისი არ არის მხოლოდ სიმპტომის აღმოფხვრა.

აუცილებელია გავიგოთ, რატომ გაჩნდა ის.

კლინიკა „ლიგაში“ ჩვენ მკურნალობას ბრმად არ ვარჩევთ.

მხოლოდ ასე არის შესაძლებელი რეალური კლინიკური დიაგნოზის დასმა.

რატომ არ შეიძლება მეგობრების რჩევით მკურნალობა.

ძალიან ხშირად მამაკაცი მკურნალობას ექიმთან კი არა, სხვისი რჩევით იწყებს.

მეგობარმა აბი ურჩია.

ინტერნეტმა — პრეპარატი.

რეკლამამ სწრაფი შედეგი დაჰპირდა.

მაგრამ ერთი და იგივე სიმპტომი სხვადასხვა მამაკაცში სხვადასხვა მიზეზით შეიძლება იყოს გამოწვეული.

ერთ შემთხვევაში პრობლემა სისხლძარღვებთან არის დაკავშირებული, მეორეში — ტრავმის შემდგომ მდგომარეობასთან, მესამეში კი — დიაბეტთან, არტერიულ წნევასთან ან მედიკამენტების მიღებასთან.

ამიტომ ის, რაც ერთ ადამიანს დაეხმარა, მეორისთვის შეიძლება უსარგებლო ან საზიანოც კი აღმოჩნდეს.

ერექტოლოგიაში მთავარი პრეპარატის გამოცნობა არ არის.

მთავარია მიზეზის გაგება.

პაციენტს პატიოსნება სჭირდება.ზოგჯერ ექიმს შეუძლია სწრაფად დაეხმაროს, ზოგჯერ მკურნალობას დრო სჭირდება, ზოგჯერ კი საკმარისია ცხოვრების წესის შეცვლა.ზოგჯერ მკურნალობას დრო სჭირდება.ზოგჯერ უბრალოდ ცხოვრების წესის შეცვლაა საჭირო.სექსუალური ფუნქცია ხშირად ორგანიზმის საერთო მდგომარეობას ასახავს, ამიტომ კომპეტენტური დიაგნოსტიკა ყოველთვის უფრო ფართოა, ვიდრე პაციენტის ჩივილები.ჩვენ მკურნალობას არ ვყიდით.ჩვენ პრობლემის გადაწყვეტას ვთავაზობთ.ეს არის პროფესიონალური მიდგომა.

მამაკაცი არ არის ვალდებული შეეგუოს ცხოვრების ხარისხის დაკარგვასბევრი მამაკაცი წლების განმავლობაში იტანს პრობლემას და მის მოგვარებას აჭიანურებს — სირცხვილის, შიშის ან იმის რწმენის გამო, რომ „ჩემს ასაკში ასე უნდა იყოს“.

მაგრამ საკუთარი დელიკატური პრობლემა ადამიანმა არ უნდა გადადოს.

მამაკაცი არ არის ვალდებული შეეგუოს ცხოვრების ხარისხის დაკარგვას.

თანამედროვე ერექტოლოგიას დახმარება შეუძლია.

მთავარია, არ გაჩუმდეთ.

თავდაჯერებულობის დაბრუნება შესაძლებელია.

სექსოლოგიური კლინიკა „ლიგა“.

ექიმი და პაციენტი — უნდობლობაზე დაფუძნებული თანამშრომლობაერექტოლოგიაში ექიმს, უმეტეს შემთხვევაში, არ შეუძლია მკურნალობის საბოლოო შედეგის ობიექტურად შეფასება და იძულებულია გაითვალისწინოს პაციენტის სუბიექტური შეფასება.

მსგავსი ერექციული ფუნქციის მდგომარეობისა და მკურნალობის მსგავსი შედეგების მქონე სხვადასხვა პაციენტი, როგორც წესი, შედეგს სუბიექტურობის საკმაოდ ფართო დიაპაზონში აფასებს — სექსუალური კულტურის, სექსუალური გამოცდილებისა და სექსუალური ნორმის შესახებ წარმოდგენების მიხედვით.

ზოგჯერ ექიმს ობიექტური ინფორმაცია არ მიეწოდება გარკვეული კონიუნქტურული მიზეზების გამო.

ამიტომ ექიმის მთავარი ამოცანა ერექციული ფუნქციის კონკრეტული მაჩვენებლის მიღწევა კი არ არის, არამედ პაციენტის კმაყოფილებაა მკურნალობის შედეგით.

თავდაპირველად ნდობაზე საუბარი რთულია.

ნდობა მხოლოდ მაშინ ჩნდება, როდესაც პაციენტი მისთვის სასურველ შედეგს იღებს.

მიზნის მიღწევის ინსტრუმენტია ინდივიდუალური მიდგომა, რომელიც ექიმისა და პაციენტის კონსტრუქციულ თანამშრომლობაზეა ორიენტირებული.

კლინიკა „ლიგაში“ ჩვენ მკურნალობას არა დირექტივებზე, არამედ თანამშრომლობაზე ვაფუძნებთ.

რადგან პაციენტის პატივისცემა სწორი მედიცინის საფუძველია.

მჯობის მჯობი არ დაილევაფრაზა „ მჯობის მჯობი არ დაილევა “ ზუსტად ასახავს კლინიკა „ლიგის“ ფილოსოფიას.

ეს არის პრინციპი.

თანამედროვე ერექტოლოგია საშუალებას გვაძლევს, გავაუმჯობესოთ პაციენტის სექსუალური შესაძლებლობები და აღვადგინოთ სექსუალური ურთიერთობების ჰარმონია წყვილში.

ეს აუმჯობესებს ცხოვრების ხარისხს.

მედიცინაში გაჩერება არ შეიძლება.

რადგან ყოველი შემთხვევის უკან ადამიანი დგას.

სექსოლოგიური კლინიკა „ლიგა“.

სრულყოფილებას საზღვარი არ აქვს.